Obradoiros de escrita creativa con TIC

Os alumnos de 5º e 6º comezarán con obradoiros de escrita creativa, utilizando a ferramenta web 2.0 Storybird.

Os contos realizados son:

5º: Grupo A - 

5º: Grupo B - As raíces malvadas.

6º: Historias de amor para febreiro.

Un Kamishibai ao mes!

Desde que en outubro iniciamos a nosa andaina na confección e interpretación de historias para o Kamishibai, temos que anunciar que desde o Equipo de Dinamización da Lingua Galega en colaboración coa Biblioteca Escolar e a participación do claustro, poñemos en funcionamento a liña de animación á lectura en galego

 

Un Kamishibai ao mes!

 

A primeira historia adaptada foi para o Festival de Nadal, alí, os rostros dos nenos mentres se desenvolvía a acción non nos deixou lugar a dúbidas. Teríamos que continuar a profundizar no noso coñecemento do recurso e da súa explotación didáctica.

 

Por iso, desde o Nadal, xa van dúas novas historias adaptadas.

 

Esta liña de traballo terá a súa pestana propia neste blogue.

Nadal 2015

Este ano o Nadal ten un carácter e unha estética cinéfila. Por iso, BiblioLío está cargando pilas!! Podedes ver a nosa exposición de libros sobre cine, recentemente inaugurada con motivo desta celebración.

A estética do cole está chea de referencias ao cine e entre as celebracións programadas para o fin de trimestre, algunhas terán este medio como canle comunicativa.

Para seguir o que este Nadal está a organizarse no CEIP San Xoán, coa colaboración dos proxectos de centro e de BiblioLío, convidámoste a ver estes enlaces:

Un Nadal Solidario e Compartido: Colaborando con centros escolares de Cataluña e Portugal.

Cinema en Curso: Sesión Pre-Navideña.

Educación Responsable: O importante é compartir.

Día Internacional contra a VIolencia de Xénero

O día 25 de novembro celebramos o Día Internacional contra a Violencia de Xénero.

BiblioLío colabora co ENDL no desenvolvemento dos proxectos do centro, achegando os recursos de que dispón. Nesta ocasión, os materiais de lectura para a concienciación do noso alumnado e para facilitarnos a coeducación, están formando parte dunha exposición que inaugura unha Semana para a Igualdade de Xénero.

Podes ver a celebración desta efeméride e dos traballos xurdidos ao seu abeiro neste enlace do EntreLetras.

Semana do Samaín

No cole celebraremos a Semana do Samaín e do Magosto desde o 26 ata o 29 de outubro.

A biblioteca, aparte de colaborar en todas as liñas de traballo, achega a súa aportación de lecturas recomendadas para este momento: O terror, como sempre, invade os nosos andeis...

Podes ver toda a información no blogue do EntreLetras.

Semana da Biblioteca

Do 19 a 25 de outubro celebramos a Semana da Biblioteca, con actividades de dinamización e participando na Campaña "¡Viva la Biblio!" do "Observatorio de la Lectura y el Libro" (MECD).

Podes ver toda a información neste enlace de EntreLetras.

Inaugurando o curso 2015/2016: SUSO LISTA

Jesús Lista Neira, coñecido como SUSO LISTA, naceu en Corme o dous de abril de 1962. 

Corme é unha localidade costeira cunha longa tadición mariñeira situada na Costa da Morte (A Coruña). Alí pasou os seus primeiros 11 anos, ata que marchou a Cheste (Valencia) a cursar estudos de EXB. Con 16 anos, embarcou como mariño mercante, percorrendo toda Europa e o norte de África.

Con 25 anos deixa o barco e se instala definitivamente en Corme para traballar como percebeiro, profesión que combina coa de actor, guionista, locutor radiofónico…

Traballou en series como Mareas vivas (en máis de 40 capítulos), Libro de familia, Os Atlánticos, Matalobos, Padre Casares… en longametraxes como A mariñeira e Cela 211. 

Foi guionista de curtametraxes como A crise da pesca ou Matreros de medianoite, actor e guionista do documental Ida e volta (seleccionado para os premios Mestre Mateo 2007).

Inicia a súa andaina como escritor en 2005, publicando relatos no seu blog: Suso Lista. Espazo emocional e literario dun percebeiro do Roncudo, que mantén ata 2011.

Dende 2008 ata 2010 traballa como actor e guionista na serie de Tv Para mariñeiros, nós (Vtelevisión).

Dirixiu un programa cultural en Radio Roncudo, O embigho da fin do mundo, e no ano 2013 gañou o Premio da Audiencia do VII Premio de Teatro Cultural da Radio Galega coa obra O demo nunca dorme. 

Ten publicados dos libros de relatos: Salseiros, en 2014, (terceiro Mellor Autor do Ano para a revista Fervenzas Literarias) e Xeixos, en 2015.

O venres 2 de outubro, teremos o pracer de recibir na biblioteca do CEIP San Xoán a Suso, que nos falará da súa obra, dos seus oficios, ads súas experiencias… e será unha delicia escoitalo, xa que é ademáis de todo é un excelente narrador. Mentres agardamos que chegue o venres, abaixo tedes algún dos traballos de Suso Lista.

Pablo Núñez

Por fin chegou o día da visita de Pablo Núñez ao noso cole.

Pablo é un escritor lucense de recoñecido prestixio. Coa súa novela "As Fillas do César" resultou finalista do Premio Planeta no 2008. No ano 2015 acada a súa sexta edición en castelán, contando ademáis cunha edición en galego.

Pablo falounos da importancia fundamental da lectura como primero paso para ser escritor, do proceso de escritura, das influencias, do traballo de investigación, do mundo editorial, de cine... Un luxo que quixera compartir con nós esta tarde e que estivera disposto a responder a todas cantas preguntas tiñamos preparadas.

Confesounos que decidiu escribir despois de ver "Gladiator", e curiosamente a productora desta película está interesada en levar "As fillas do César" á gran pantalla.

Estivemos tan entretidos que nos sorprendeu o timbre con moitas preguntas sen responder, esperamos volver a ver a Pablo Núñez nunca ocasión cercana. E mentras ese momento chega, deixounos un traballo: escribir a historia de Livia, Lobera e Dunia, as fillas do César, nunca visita á nosa comarca.

Non defraudaremos a Pablo. Seremos merecedores da confianza que deposito en nós como anfitrións das súas personaxes.

Moitas grazas, Pablo!

CONTACONTOS

VIÑERON PACO E PEPE!

Hoxe foi un día moi especial na biblioLÍO, en colaboración co proxecto "entreletras" do ENDL.

Recibimos unha visita por partida doble: en primeiro lugar tivemos a inmensa sorte de ter entre nós a Francisco Narla. 

Falounos sobre a importancia do respecto aso dereitos de autor e a arte de escribir historias.  Francisco é autor de novelas de recoñecido prestixio, como Assur ou Ronin  que chegaron a ser Best Seller mundial ou a relanzada, en breve, Caja Negra. En un futuro próximo presentará a súa nova obra Donde aúllan las colinas. Con el iniciaremos, en BiblioLío a nosa sección de literatura para adultos, pensada para as familias. 

Pedimos Paco a súa colaboración para o noso próximo obradoiro de escrita creativa, que terá lugar no mes de maio. Deixounos uns "storycubes": son uns dados para xerar historias con texto. En cada dado un campo semántico, polo que se poden xerar infinidade de combinacións posibles que actuan como nexos e detonantes das historias. Xa iremos dando conta das historias que deles xurdan.

Os dados de Paco

Tamén 

Non o deixamos marchar sen que nos asinara os exemplares con que nos agasallou e nos deixara constancia do seu paso pola nosa escola no libro de visitas.

En segundo lugar, e aproveitando que o 2015 é o Ano Internacional da Luz, o alumnado experimentou coas leis físicas da luz nunha sesión formativa e lúdica a cargo de José Manuel Vázquez: a composición e descomposición da luz, a existencia da luz negra e dos ultravioletas e infrarroxos e como a auga atrapa un láser verde foron algunhas das sorpresas que Pepe nos tiña preparadas.

Fixemos uns experimentos espectaculares, e deixounos con ganas de máis..

Fixemos uns experimentos espectaculares, e deixounos con ganas de máis. Estamos desexando que haxa unha segunda parte! Deixounos un puntero laser moi potente e un prisma para quie poidamos seguir xogando coa ciencia. 

Tamén nos deixou un libro para libroslibres. Moitas gracias Pepe!

Podes acceder a toda a información nestes enlaces do Plan Proxecta: 
Francisco Narla e os Dereitos de Autor
José Vázquez e os Experimentos coa Luz

RE-INAUGURAMOS!

En plena Semana do Libro, e dous días antes da celebración do Día Mundial do Libro e dos dereitos de autor, tivemos a grandísima sorte de que apadriñara esta nova andaina como biblioteca do PLAMBE, Carlos Coira Nieto, que nos agasallou cunha fantástica sesión de maxia na que os libros foron os protagonistas.

Para esta ocasión, contamos tamén cunha pequena exposición de novidades de "libros que falan de libros" e "libros de maxia"

Reinauguración da Biblioteca

O martes, 21 de abril, reinauguramos a Biblioteca. 

Desde a nosa entrada en PLAMBE, traballamos para dotar de recursos, espazo e ideas a nosa biblioteca. Agora queremos aproveitar a celebración do Día do Libro e os Dereitos de Autor para a súa apertura oficial, cun acto cultural e lúdico:

A actuación de Carlos Coira, libreiro, mago, actor.

Esta actuación terá lugar o mesmo día da inauguración, en varias quendas, para o noso alumnado e profesorado.

Non perdas nada do seu desenvolvemento, aquí.